Sumqayıt Bələdiyyəsi növbəti layihəni başa çatdırıb
Sumqayıt Bələdiyyəsi “Yaşıl dünya naminə həmrəylik ili”ndə əhalinin rahatlığının təmin edilməsi, təmiz havanın qorunması və yaşıllıq sahənin artırılması məqsədilə növbəti fəaliyyət planını icra edir.
Belə ki, bu günlərdə Sumqayıt Bələdiyyəsi tərəfindən şəhərin "Azərbaycan" prospekti boyunca olan hissəsinə 2500 ədəd şəmşad kolları əkilib. Bu tipli ağacəkmə və yaşıllıq sahənin artırılması üçün tədbirlərin gələcəkdə də keçirilməsi nəzərdə tutulub.
Qeyd edək ki, aksiyanın keçirilməsində məqsəd ətraf mühitin qorunmasına kömək etmək, atmosferi oksigenlə zənginləşdirmək, ictimaiyyətin diqqətini yaşıllıqların qorunmasına yönəltməkdir.
Sumqayıt Bələdiyyəsi bu cür ekoloji aksiyaların mütəmadi olaraq təşkili ilə ətraf mühitin mühafizəsinin vacibliyini insanların, xüsusilə, gənc nəslin diqqətinə çatdırır və onları ekoloji problemlərə qarşı mübarizədə birgə fəaliyyətə səsləyir.
Belediyye.info
Rəylər
0 Rəy